Hands Of Enlightenment

လင်းပွင့်လက်များ

ကဗျာ တစ်ပုဒ်ရေးဖို့ အချိန် ၃၅ မိနစ်လောက်ဆို လုံလောက်မလား
သီချင်းသံတွေ နားထောင်ပြီး ဒါမှမဟုတ် သူငယ်ချင်းတစ်ယောက်က
ဂီတာ တီးခိုင်းပြီးတော့ ငါ ကဗျာရေးကြည့်ချင်နေတယ်။
အငယ်ကောင် .. မင်းနဲ့ငါ ဂျိုးကို လွမ်းတဲ့အကြောင်း ကဗျာ တူတူရေးရင်ကောင်းမလား
ရုပ်သေးကတော့ ငါ့ရဲ့ အ၀ါရောင် ကော်ပတ်ရုပ်အကြောင်း ကဗျာရေးပေးမယ်တဲ့။
အချစ်ဆိုတာ ယဉ်ကျေးမှုတစ်ခုပဲ ..
မျက်မှောက်ခေတ်ရဲ့ ရေစီးကြောင်းမှာ မင်းဘယ်လိုမျောမလဲ။
မိုးချိုတစ်ယောက် ဘာတွေလုပ်နေလည်း။ ဆူးခက်မင်းကော ကဗျာကို ရုပ်လုံးကွဲပြီလား။
ညီစိမ်း က မီးလောင်နေတဲ့ ဂျူးတစ်ယောက်ဖြစ်မယ်။
ဟစ်တလာ တစ်ယောက်မကတဲ့ ကမ္ဘာထဲရောက်သွားရင် မင်းဘာလုပ်မလဲ။
ဟိုတစ်လောက ဟာသတစ်ပုဒ်ကောက်ရထားတဲ့ အလတ်ကောင်ကို ပြောလိုက်ပါဦး ..
အဲ့ဒါ ငါ့ဟာသဖြစ်လိမ့်မယ်။
ဇမ္ဗူရာဇ်လမ်း အိမ်အမှတ် (၁၈) ကို ဆက်သွယ်ပါ၊ Vegas လည်းမသောက်တော့ဘူးလို့
ပြောပြလိုက်ဦး။
အခု ခြင်တွေယင်တွေနဲ့ ပိုးကောင်မွှားကောင်တွေအကြောင်း ကဗျာ ရေးဖို့စဉ်းစားနေတယ်။
ကမ္ဘာကျော်ပုံပြင်တွေကို လွမ်းတယ်။ လောလောလတ်လတ် အော်စကာ ရထားတဲ့ ကားတွေကြည့်နေတယ်။
DotA မခုတ်တာ ၁ နှစ်ကျော်ပြီ။
သြော် ... တစ်ရက်လောက် ငါတို့ မိုးလင်းကြရအောင် ..

- နေနှင်းစက် -

0 comments:

Post a Comment

အာရုံပေါ်မှုတချို့

လင်းပွင့်လက်များ

Followers

အလည်အပတ်

free web counter