Hands Of Enlightenment

လင်းပွင့်လက်များ

မထင်မိဘူး ။ ဓားသွားနဲ့ ။

ဇာတ်လမ်း အစကလည်းက ခရမ်းရောင် ကိုယ်စီနဲ့ ။

လွန်ခဲ့သော မနေ့က နှစ်သန်းပေါင်းများစွာဆီ ။

လည်ပတ်ဆဲ ကမ္ဘာဟာ

ယန္တရားအသစ် ၊ ဝင်္ကဘာအသစ် ၊ အသက်ရှင်နေထိုင်မှုအသစ်နဲ့ ။

မြောက်ဝင်ရိုးစွန်းသွားပြီး ကြယ်တွေကို ကြည့်ဖို့ ။

ညတိုင်း လကို မျှော်ဖို့ ။

သရေခေတ္တရာ ၊ ပုဂံမြို့ဟောင်း ။

လသာည ဘယ်နှစ်ကြိမ် တိုင်ခဲ့တယ် ။

ဘလိတ်ဓားရှရာလေးကနေ ဖွားကနဲ ပန်းတွေ ပွင့်လာသလို ။

ရှူစရာလေမရှိတော့တဲ့ မီးတောက်လေးက

အခန်းထောင့်မှာ ငိုလို့ ကြွေးလို့ ။

ဦးခေါင်းအတွင်းပိုင်း နံရံပေါ်မှ ပင့်ကူမျှင်များ ။

ရီမုကွန်ထရိုးကြားခံနယ် နှင့် ဘာမြူဒါတြိဂံနယ်မြေသစ်များကြား ။

လက်လှမ်းမှီသလောက် ပြတင်းပေါက်တွေ လိုက်ပိတ်ပစ်တယ် ။

ငေးမိတဲ့ သူမနောက်ကျောမှာ “မဖြစ်နိုင်တော့ဘူး” ဆိုတဲ့ တံဆိပ်ကို ကပ်လို့ ။

မြရာပင်လည်း ပန်းတွေနဲ့ ။

တရုတ်စကားပင်လည်း ပန်းတွေနဲ့ ။

တီ တီ တီ မြည်နေတဲ့ ဖုန်းကို ကောက်ကိုင်တော့

ဗိဿနိုးမြို့ဟောင်း ၊ မိုးပြာရောင် ၂၀၀၈ ။

အနှေးပြကွက်များ ။

အရူးတစ္ဆေခြောက်ခံရတဲ့ ည ။

ကူးခတ်လို့ မဆုံးနိုင်တော့မယ့် ပင်လယ်ထဲ ။

တ ၀ဲ ၀ဲ ။

ရေပြင်ထဲကို ရောင်စုံကျောက်စရစ်ခဲတွေ တစ်လုံးပြီး တစ်လုံး ပစ်ပေါက်

ကျန်ရစ်ခဲ့တဲ့ ဆိပ်ကမ်းဟာ အထီးကျန်မီးခိုးငွေ့တလူလူနဲ့ ။

တစ်စထက် တစ်စ ပိုမိုဝေးကွာခြင်း က

အေးစက်တိတ်ဆိတ်စွာ ချဉ်းကပ်ဝင်လောက်လာ ။

အေဒီ နှစ်ထောင့်ဆယ့်တစ် ၊ တိမ်နံပါတ် ကိုး ၊

သစ်ပင်အတု ၊ ကျောက်ဖြစ်ရုပ်ကြွင်းကမ္ဘာ ၊

တစ်ယောက်တည်းနေ ၊ တစ်ယောက်တည်း နေ့ ။

ကျပ်မပြည့်တဲ့ ဒင်္ဂါးဟာ စားပွဲပေါ်မှာ တ၀ီဝီ လည် လို့ ။




ဧဒီ

0 comments:

Post a Comment

အာရုံပေါ်မှုတချို့

လင်းပွင့်လက်များ

Followers

အလည်အပတ်

free web counter