Hands Of Enlightenment

လင်းပွင့်လက်များ

နေ့စွဲမတပ်ထားသောစာမျက်နှာ

 

 

 

(၀းဝ)
အလွမ်းတစ်ခွက်မှာ
အတ္တတစ်ဆပေါင်းထည့်
ပြီးတော့ မာနနဲ့ ရောမွှေ
ရှိုက်သံတွေမှာတောင် ငိုခြင်းက မပီပြင်ဘူး

(၁း၁)
အတိတ်ကို ဖုန်းခေါ်မိတိုင်း
လူကြီးမင်းနဲ့တိုးတယ်
ဝမ်းနည်းပါတယ်
ငါ့ထဲမှာ ငါမရှိသေးဘူး
တစ်ကမ္ဘာလောက်နေရင် ပြန်ခေါ်ကြည့်လေ

(၁း၂)
အလွမ်းတွေလား
မေးရတာ လျှာတောင်ခါးတယ်
ငါ့အတွက်မပူပါနဲ့
နင်မရှိလည်း ထမင်းနှစ်နပ်စားမှာပါ
(ဟင်းတစ်ခွက်တော့ တိုးလာတာပေါ့လေ)

(၂းဝ)
အချစ်စစ်စစ်မှာ နဖူးစည်းမရှိဘူး
အချစ်စစ်စစ်မှာ မှတ်ပုံတင်မပါဘူး
ယုံကြည်မှုဆိုတာ ယုံတုန်းပဲကြည်တာ
နင်ပြောတာငါကြားဖူးပါတယ်
ဟိုဟာက ဟိုစာအုပ်ထဲက
ဟိုစကားလုံးက ဟိုစာရေးဆရာလေသံ
ဟိုတစ်ခုက မြန်မာကားထဲက အကွက်တွေလေ

(၂း၁)
ဒိုင်ယာလော့တွေရွတ်ပြမနေနဲ့
သရုပ်ဆောင်လွင်ပြင်က အကဲဖြတ်ဒိုင်မဟုတ်ဘူး
ဇာတ်မနာနာအောင် ဖွဲ့ရအောင်လည်း
မိုးမိုးအင်းလျား ဝတ္ထုတိုပြိုင်ပွဲမဟုတ်
မှားယွင်းမှုယုတ္တိဗေဒမှာ ဒါနံပါတ်(၃)ပဲ

(၂း၂)
အခွံတွေချည်းပဲလား
ငါ့နားက ဆင်ဆာဖြတ်တာနဲ့ ကုန်ပြီ
မမြင်ရတိုင်းလည်း မရှိဘူးပဲအော်မနေနဲ့
မကြားရပေမယ့် နားငြီးတယ်

(၀း-၁)
မှတ်ချက်။
မိုးရာသီတွင် မိုးရွာခြင်းမဟုတ်။
မိုးရွာသောရာသီကိုသာ မိုးရာသီဟုခေါ်ပါသည်။


ပီတိ ( စိတ်ပညာ )

0 comments:

Post a Comment

အာရုံပေါ်မှုတချို့

ကြိုးစားထားသမျှ

လင်းပွင့်လက်များ

Followers

အလည်အပတ်

free web counter